Isidorus, Synonyma de lamentatione animae peccatricis, LIBER PRIMUS., 78.
| 1 | Vitam bonam quam coepisti tenere non desinas. |
| 2 | Propositum vitae bonae conserva iugiter. |
| 3 | Beatus eris, si permanseris; beatus, si perseveraveris; tunc erit perfectum opus tuum, si usque in finem duraveris. |
| 4 | Salus perseverantibus promittitur, praemium perseverantibus datur: Beati qui custodiunt iudicium, et faciunt iustitiam in omni tempore . |
| 5 | Non est beatus qui bonum facit, sed qui incessabiliter facit. |
| 6 | Qui enim perseveraverit usque ad finem, hic salvus erit |