| 1 | Ne rursus facias quod iterum plangas, ne culpam pro qua veniam postulas iterare praesumas: inanis est poenitentia quam sequens culpa coinquinat, vulnus iteratum tardius sanatur, frequenter peccans et lugens vix veniam meretur. |
| 2 | Nihil prosunt lamenta, si replicantur peccata. |
| 3 | Nihil valet veniam a malis poscere, et mala denuo iterare. |
| 4 | Persiste ergo in confessione, esto in poenitentia fortiter confirmatus. |