Isidorus, Synonyma de lamentatione animae peccatricis, LIBER PRIMUS., 72.
| 1 | Memorare, Domine, quae sit mea substantia , memento quia terra sum, memento quia pulvis et cinis sum , operi manuum tuarum porrige dexteram . |
| 2 | Consule infirmae materiae, succurre carnali fragilitati, infirmae conditioni. |
| 3 | Pateat regressus salutis, pateant tibi vulnera mea. |
| 4 | Coram te est aegritudo mea, tu vides quantum sauciatus sum, et languidus, medicinam qua saner tribue, medelam qua curer impende; refice infectum vitiis, reforma corruptum peccatis. |
| 5 | Exstingue in me flammam concupiscentiae. |
| 6 | Iacula ignita diaboli me ultra non penetrent, non exardescant in me ulterius. |