Isidorus, Synonyma de lamentatione animae peccatricis, LIBER PRIMUS., 11.
| 1 | Testium et iudicum falsa et crudeli sententia iudicor. |
| 2 | Testium falsa sententia ad necem innocens ducor. |
| 3 | Ex eodem concilio testes, ex eodem iudices, ex eodem coetu accusatores. |
| 4 | Improbos iudices opponunt, falsos testes obiiciunt, in quorum testimonio confidentia est. |
| 5 | Nemo ab illis dissentit, nemo discordat, nemo consilium eorum repudiat. |
| 6 | Cui dicam? cui credam? cui loquar? quem adeam? a quo consilium petam? in quo animum meum ponam? quem potissimum quaeram? |