| 1 | [ CAP. XVI. N. 1. Ex August., homil. 41, habetur, apud Gratianum de poenit. dist. 3, cap. 11, et apud Mag., in IV, dist. 14; tamen in utroque Cod. perantiquo Gothico est effectum poenitentiae non habere, et flenda iterum non admittere. LOAISA. ] Irrisor est, non poenitens, qui adhuc agit quod poenitet; nec videtur Deum poscere subditus, sed subsannare superbus. |
| 2 | Canis reversus ad vomitum est poenitens ad peccatum. Multi enim lacrymas indesinenter fundunt, et peccare non desinunt. Quosdam accipere lacrymas ad poenitentiam, et effectum poenitentiae non habere (constat), quia inconstantia mentis, nunc recordatione peccati lacrymas fundunt, nunc vero, reviviscente usu, ea quae fleverant iterando committunt. |
| 3 | [ 3. Deflere possit. Alii addunt, qui plangit peccatum, etc., ut cap. 13, n. 7, sed in fine, quanto magis laverit, tanto amplius lutum facit. AREV. ] Qui et praeterita vult plangere, et actionibus saecularibus incubare, iste mundationem non habet, quoniam adhuc agit quae poenitendo deflere possit. |
| 4 | [ 4. Gregor., lib. Pastor. curae part. III, admonit. 31. Estque locus apud Isai. I. LOAISA. ] Isaias peccatoribus dicit: Lavamini, mundi estote [Isai. |