| 1 | [ CAP. XXIX. N. 1. Ex Gregor., lib. IX Moral., cap. 39. LOAISA. Ibid. Fasciculi lignorum. Vide a me notata ad vers. 681 lib. III Dracontii: Et grates exceptus agam de fasce malorum. AREV. ] Sicut fasciculi lignorum ad combustionem de similibus colligantur [Matth. |
| 2 | [ 2. Ex Gregorio, ibid. LOAISA. Ibid. Nec deerit, etc. Ita in Goth. et aliis mss., in uno vero perantiquo sic legitur, nec deerit in supplicii die futurus damnationis ordo. LOAISA. ] Sicut unusquisque sanctus in futuro iudicio pro quantitate virtutum glorificabitur, ita et unusquisque impius pro quantitate facinorum condemnabitur; nec deerit in supplicio futuro damnationis ordo, sed iuxta qualitatem criminum, Propheta affirmante, discretio erit poenarum. |
| 3 | [ 3. Psal. CVIII: legiturque in Editione Vulgata: Nutantes transferantur filii, et mendicent. Hebraeus sermo habet: Oberrent liberi eius. Nutantes autem est iustabiles vagentur, errantes mendicent, fiant vagi et errantes. LOAISA. ] De charorum quoque suorum suppliciis additur etiam poena defunctis, sicut apud inferos diviti sermo praedicat evangelicus [Luc. |
| 4 | Impii ex hoc durius in iudicio puniendi sunt mentis dolore, ex quo visuri sunt iustos gloriae beatitudinem meruisse. |
| 5 | [ 5. Apoc. XX ponitur ordo iudicii, et apud Paulum, I Cor. XV. LOAISA. ] Cunctis videntibus est praecipitandus diabolus, quando sub aspectu omnium bonorum angelorum et hominum cum eis qui de parte eius erunt in ignem aeternum mittendus est. |
| 6 | [ 6. Qui in corpore sunt inveniendi. Vide sanctum Gregorium, lib. XXXIV Moral., c. 7, et sanctum Augustinum, de Civit. Dei, cap. 20, cum nota Vezzosii, part. III Instit. Theolog., pag. 283 et seq. AREV. ] Dum sublatus fuerit diabolus, ut damnetur, multi electi, qui in corpore sunt inveniendi, Domino ad iudicium veniente, metu concutiendi sunt, videntes tali sententia impium esse punitum: quo terrore purgandi sunt, quia, si quid eis ex corpore adhuc peccati remanserit, metu ipso quo diabolum damnari conspicium purgabuntur. Hinc est quod ait Iob: Cum sublatus fuerit, timebunt angeli, et exterriti purgabuntur [Iob. |
| 7 | [ 7. Locus est Amos VII: Ecce vocabit iudicium ad ignem Dominus Deus, et devorabit abyssum multam, et comedet simul partem. Vox autem domus, quae apud Isidorum est, in nullo Bibliorum exemplari legitur, neque in versione LXX, cuius haec sunt verba: Καὶ ἐκάλεσεν τὴν δίκην ἐν πυρὶ καὶ κατέφαγεν τὴν μερίδια, ubi Hieronymus: Comedit partem, inquit, hoc est, ad sanctos illius pervenit, qui in peculio Domini, et in eius parte reputantur. Theodoretus in eumdem locum: Partem, inquit, appellat Israel. Sic enim etiam Moses inquit: Et facta est pars Domini populus eius Iacob. LOAISA. ] Multos posse perire ex eis in die iudicii, qui nunc electi esse videntur, et sancti, dicente propheta: Vocabit Dominus iudicium ad ignem, et devorabit abyssum multam, et comedet partem domus. Pars quippe domus devorabitur, quia illos etiam infernus absorbebit, qui nunc se esse in praeceptis coelestibus gloriantur; de quibus Dominus dicit: «Multi dicent mihi in illa die: Domine, Domine, nonne in tuo nomine prophetavimus, et in tuo nomine daemonia eiecimus, et virtutes multas fecimus? Tunc confitebor illis quia nunquam novi vos. Discedite a me, omnes qui operamini iniquitatem, nescio qui estis [Matth. |