| 1 | Ille autem, de cuius amicitia nihil ambigebatur, violata sacramenti religione, Carthaginem dolo pacis invadit, omnesque opes eius, excruciatis diverso tormentorum genere civibus, in ius proprium vertit. |
| 2 | Deinde Siciliam depraedatur, Panormum obsedit, Arianam pestilentiam per totam Africam intromittit, sacerdotes Ecclesiis pellit, martyres plurimos facit, et iuxta prophetiam Danielis, demutatis mysteriis, sanctorum ecclesias Christi hostibus tradidit. |
| 3 | Nec iam divini cultus loca, sed suorum esse habitacula iussit. |