Isidorus, Historia de regibus, HISTORIA., 61.
| 1 | Astures enim rebellantes, misso exercitu, in ditionem suam reduxit. |
| 2 | Ruccones montibus arduis undique conseptos per duces evicit. |
| 3 | De Romanis quoque praesens bis feliciter triumphavit, et quasdam eorum urbes expugnando sibi subiecit, residuas inter fretum omnes exinanivit, quas gens Gothorum post in ditionem suam facile redegit. |
| 4 | Adeo post victoriam clemens, ut multos ab exercitu suo hostili praeda in servitutem redactos, pretio dato, absolveret, eiusque thesaurus redemptio existeret captivorum. |
| 5 | Hunc alii proprio morbo, alii immoderato medicamenti haustu, alii veneno asserunt interfectum. |
| 6 | Cuius exitus non modo religiosis, sed etiam optimis laicis exstitit luctuosus. |
| 7 | Relicto Recaredo filio parvulo, qui post patris obitum princeps paucorum dierum, morte interveniente, habetur. |