Isidorus, Historia de regibus, HISTORIA., 58. Aera DCXLI
| 1 | An. imp. |
| 2 | Mauricii XXI, exstincto Liuvane, Wictericus regnum, quod vivente illo invaserat, vindicat ann. VII. Vir quidem strenuus in armorum arte, sed tamen expers victoriae. |
| 3 | Namque adversus militem Romanum praelium saepe molitus, nihil satis gloriose gessit praeter quod milites quosdam Segontiae per duces obtinuit. |
| 4 | Hic in vita plurima illicita fecit, in morte autem, quia gladio operatus fuerat, gladio periit. |
| 5 | Mors quippe innocentis inulta in illo non fuit: inter epulas enim prandii coniuratione quorumdam est interfectus, corpus eius viliter est exportatum atque sepultum. |