Isidorus, Historia de regibus, HISTORIA., 54.
| 1 | Egit etiam gloriose bellum adversus infestas gentes fidei suscepto auxilio. |
| 2 | Francis enim sexaginta ferme millium armatorum copiis Gallias irruentibus, misso Claudio duce adversus eos, glorioso triumphavit eventu. |
| 3 | Nulla unquam in Hispaniis Gothorum victoria, vel maior in bello, vel similis exstitit. |
| 4 | Prostrati sunt enim et capti multa millia hostium, residua vero exercitus pars, praeter spem in fugam versa, Gothis post tergum insequentibus, usque in regni sui finibus caesa est. |
| 5 | Saepe etiam et lacertos contra Romanorum insolentias et irruptiones Vasconum movit. |
| 6 | Unde non magis bella tractasse, quam potius gentem, quasi in palaestrae ludo, pro uso certaminis videtur exercuisse. |