Isidorus, Historia de regibus, HISTORIA., 43.
| 1 | Nec mora, praevenit mors debita principem. |
| 2 | Vulneratur enim a quodam in palatio, qui iamdudum dementis speciem, ut regem deciperet, simulaverat. |
| 3 | Finxit enim arte insaniam, perfoditque principem, quo vulnere ille prostratus occubuit, et vi gladii indignantem animam exhalavit. |
| 4 | Fertur autem inter effusionem sanguinis coniurasse ne quis interficeret percussorem, dicens se congruam meriti recepisse vicissitudinem, quod et ipse privatus ducem suum sollicitatus occiderat. |