monumenta.ch > Hrabanus Maurus > B > 9 > 21 > 21 > 18 > 2 > 11 > 18 > 20 > 11 > 21 > 15 > 1 > 24 > 21 > 11 > 6 > 11 > 11 > 6 > 1 > 16 > 9 > 20 > 8 > 17 > 6 > 9 > 19 > 19 > 37 > 32 > 18 > 1 > 18 > 19 > 5 > 9 > 19 > 57 > 2 > 31 > 8 > 5 > 40 > 18 > 18 > 27 > 27 > 6 > 4 > 6 > 31 > 31 > 3 > 27 > 7 > 3 > 27 > 5 > 36 > 8 > 78 > 33 > 1 > 24 > 1 > 1 > 13 > 4 > 17 > 2 > 17 > 4 > 8 > 66 > 50 > 3 > 9 > 8 > 17 > 1 > 17 > 2 > 29 > 1 > 3 > 62 > 42 > 3 > 8 > 18 > 9 > 8 > 9 > 8 > 1 > 11 > 2 > 33 > 1 > 1 > 13 > 13 > 25 > 25
Isidorus, Etymologiae, Liber 19, XXIV De palliis virorum <<< >>> XXVI De stratu et reliquis vestibus quae in usu habentur
Isidorus, Etymologiae, 19, XXV De palliis feminarum
1 Regillum est praelatum reginarum amiculum; unde et appellatum. Peplum matronale pallium ex purpura signatum, cuius fimbriae aurei staminis summitate resplendent. 2 Palla est quadrum pallium muliebris vestis, deductum usque ad vestigia, quod ad fixis in ordinem gemmis. Et palla dicta ἀπὸ τοῦ πάλλειν, id est a mobilitate, quae est circa finem huiusmodi indumenti; sive quod rugis vibrantibus sinuata crispetur. 3 Stola matronale operimentum, quod cooperto capite et scapula a dextro latere in laevum humerum mittitur: stola autem Graece vocatur quod superemittatur. 4 Idem et ricinium Latino nomine appellatum eo quod dimidia eius pars retro reicitur; quod vulgo mavortem dicunt. Vocatum autem mavortem quasi Martem; signum enim maritalis dignitatis et potestatis in eo est. Caput enim mulieris vir est; inde et super caput mulieris est. 5 Amiculum est meretricum pallium lineum. Hunc apud veteres matronae in adulterio deprehensae induebantur, ut in tali amiculo potius quam in stola polluerent pudicitiam. Erat enim apud veteres hoc signum meretriciae vestis, nunc in Hispania honestatis. 6 Theristrum palliolum est quo usque hodie Arabiae et Mesopotamiae mulieres velantur, quibus in aestu tutissimo teguntur umbraculo. De quo in Isaia Isai. 3, 23. 7 Anaboladium amictorium lineum feminarum quo humeri operiuntur, quod Graeci vel Latini sindonem vocant.
Isidorus HOME
bav281.595 bmv399.399 bnf425.400 bnf426.404 bnf7583.220 bnf7585.440 bnf7586.224 bnf7587.135 bnf7589.295 bnf10291.223 bnf11864.287 bnf13027.108 bnf13028.226 bsb9201.544 bsb71097.575 csg232.302 csg235.270 csg236.257 csg237.314 hab64.609 sbsmin43.176r ubbf_iii_0015.227r zos32.279r
© 2006 - 2026 Monumenta Informatik