monumenta.ch > Isidorus > 15 > 50 > 8 > 3 > 49 > 2 > 3 > 15 > 3 > 3 > 2 > 34 > 62 > 3 > 42 > 34 > 1 > 6 > 3 > 6 > 2 > 2 > 15 > 16 > 18 > 35 > 20 > 9 > 2 > 2 > 3 > 5 > 15 > 2 > 5 > 5 > 70 > 5 > 3 > 15 > 15 > 51 > 7 > 63 > 58 > 25 > 13 > 3 > 4 > 4 > 26 > 21 > 2 > 4 > 46 > 11 > 4 > 78 > 3 > 9 > 39 > 28 > 24 > 24 > 67 > 28 > 3 > 24 > 15 > 28 > 24 > 21 > 20 > 2 > 11 > 8 > 69 > 4 > 60 > 11 > 23 > 5 > 37 > 4 > 21 > 23 > 30 > 20 > 37 > 56 > 11 > 3 > 30 > 2 > 6 > 30 > 32 > 4 > 55 > 2 > 17 > 44 > 11 > 11 > 23 > 27 > 4 > 61 > 5 > 11 > 8 > 3 > 15 > 4 > 3 > 3 > 10
Isidorus, Etymologiae, Liber 3, IX Quot numeri infiniti existunt <<<     >>> XI De quadripertita divisione geometriae

Isidorus, Etymologiae, 3, X De inventoribus geometriae et vocabulo eius

1 Geometriae disciplina primum ab Aegyptiis reperta dicitur, quod, inundante Nilo et omnium possessionibus limo obductis, initium terrae dividendae per lineas et mensuras nomen arti dedit. Quae deinde longius acumine sapientium profecta et maris et caeli et aeris spatia metiuntur. 2 Nam provocati studio sic coeperunt post terrae dimensionem et caeli spatia quaerere: quanto intervallo luna a terris, a luna sol ipse distaret, et usque ad verticem caeli quanta se mensura distenderet, sicque intervalla ipsa caeli orbisque ambitum per numerum stadiorum ratione probabili distinxerunt. 3 Sed quia ex terrae dimensione haec disciplina coepit, ex initio sui et nomen servavit. Nam geometria de terra et de mensura nuncupata est. Terra enim Graece γῆ vocatur, μήτρα mensura. Huius disciplinae ars continet in se lineamenta, intervalla, magnitudines et figuras, et in figuris dimensiones et numeros.Isidorus HOME
bav281.108 bbb207.189r bmv399.67 bmv404.56 bnf425.62 bnf426.69 bnf7582.57 bnf7583.40 bnf7585.77 bnf7589.53 bnf10292.65 bnf11241.9 bnf11864.46 bsb9201.104 bsb65380.64 bsb71097.101 csg231.110 csg237.56 dkb235.26r hab64.87 ubbf_iii_0015.26r zos32.45v
© 2006 - 2026 Monumenta Informatik