| 1 | Nam et ego (Christus novit) gravi dolore discrucior, quod, emenso tempore tam prolixo, vel nunc vestrum non mereor videre conspectum, sed spero in illum qui non obliviscitur misereri, nec repellit in finem, quia exaudiet precem pauperis, et vestro me miserum repraesentabit aspectui. |
| 2 | Suggero sane, et omnimoda supplicatione deposco, ut librum Etymologiarum, quem iam, favente Domino, audivimus consummatum, promissionis vestrae memores, servo vestro dirigere iubeatis, quia, ut mihi sum conscius, magna ibi ex parte servi tui postulatione sudasti. |