Isidorus, Epistolae, 7, 7

1	Liquide patet tam inaestimabile sacrificium in vase luteo, vel ligneo, nisi necessitate urgente, vel cogente inopia, offerre turpe ac vile, praesumptuosum esse et temerarium, quod potest iusto examine reprobari.
2	Sed forsan obiicis pannum sericum pretiosiorem esse lineo, et idcirco magis divinis usibus aptum.
3	Ad quod nos in utroque Testamento dicimus candorem vestium maxime approbari, eo quod in eo mentis sinceritas requiratur, quam constat inter caeteras virtutes Deo esse gratiosiorem, ad quam pervenire cupienti charitati vestrae, ut pateat clarius, sacrae Scripturae testimoniis ostendamus.