| 1 | Similiter sacratissimum corpus eius non legitur pannis sericis, vel laneis, sed mundis linteaminibus in sepultura involutum fuisse. |
| 2 | Ergo, cuius mysterium passionis et sepulturae, eum quotidie immolando, geritur in altare, a tramite recto deviare non possunt, qui in pane azymo, vino et aqua, additis et mundis, sanctisque linteaminibus, secundum consuetudinem Ecclesiae Romanae corporis et sanguinis Domini sacrosanctum sacrificium student conficere. |
| 3 | Videtur etiam Dominus nobis favere in Exodo dicens: Non immolabis, inquit, super fermento sanguinem hostiae meae |