monumenta.ch > Isidorus > 2 > XII. > 14. > 2 > 2 > 14 > XII. ΑΓΣΟΝΙΟΣ ΠΑΓΛΩΙ. > XIIII. IN PERGAMVM. > 15 > 14 > 14 > 11 > 13 > 10 > 11
Isidorus, Epistolae, 6, 10. <<<     >>> 12.

Isidorus, Epistolae, 6, 11.

1	Ecce brevitate qua valui tuis inquisitionibus satisfeci.
2	Sed quod subiecisti, habere te haereticos, cum quibus assidue disputas, et quos ad fidem catholicam studes revocare, laudamus zelum, sed audaciam reprehendimus.
3	Dicit namque Scriptura divina: Qui tetigerit picem, inquinabitur ab ea (Eccli. XIII, 1).
4	Cave igitur, dilectissime fili, ut quia Deus triumphalibus trophaeis armorum strenuitate prostratis inimicis te fecit victoriosum, haereticis suasionibus ignominiose ne victus succumbas; te enim laborante eos ab errore mortis eruere, ipsi invigilant te in praecipitium erroris demergere, a quorum confabulatione vel solatio quemlibet Christicolam, tanquam a lethifero veneno, sub obtestatione divini iudicii praecipimus abstinere, nisi fuerit in divinis praeceptis experientia operum probatus, et sacris eruditus Scripturis.

Isidorus HOME