Isidorus, De viris illustribus, CAPUT XLII.
| 1 | 60. Lucinianus, Carthaginis Spartariae episcopus, in Scripturis doctus: cuius quidem multas epistolas legimus, de sacramento denique baptismatis unam, et ad Eutropium abbatem, qui postea Valentiae episcopus fuit, plurimas. |
| 2 | Reliqua vero industriae et laboris eius ad nostram notitiam minime venerunt. |
| 3 | Claruit temporibus Mauricii Augusti. |
| 4 | Occubuit Constantinopoli, veneno (ut ferunt) exstinctus ab aemulis, sed, ut scriptum est: Iustus quacunque morte praeoccupatus fuerit, anima eius in refrigerio erit. |