Isidorus, De viris illustribus, CAPUT XL., . . .
| 1 | 53. Gregorius papa Romanae sedis apostolicae praesul, compunctione timoris Dei plenus et humanitate summus, tantoque per gratiam Spiritus sancti scientiae lumine praeditus, ut non modo illi in praesentibus temporibus quisquam doctorum, sed nec in praeteritis quidem par fuerit unquam. |
| 2 | Hic in exordio episcopatus edidit librum Regulae pastoralis, directum ad Ioannem Constantinopolitanae sedis episcopum. |
| 3 | In quo docet qualis quisque ad officium regiminis veniat, vel qualiter, dum venerit, vivere, vel docere subiectos studeat. |