Isidorus, De viris illustribus, CAPUT XVI.
| 1 | 20. Siricius, clarissimus pontifex, et Romanae sedis antistes, scripsit decretale opusculum directum ad Eumerium Tarraconensem episcopum. |
| 2 | In quo, inter alias ecclesiasticas disciplinas, constituit haereticorum baptisma nequaquam ab Ecclesia rescindendum. |
| 3 | Reperimus et aliam eius epistolam ad diversos episcopos missam, in qua condemnat Iovinianum haereticum, atque Auxentium, caeterosque eorumdem sequaces. |
| 4 | Praefuit Romae annos quatuordecim. |
| 5 | Obiit Theodosio et Valentiniano regnantibus. |