Isidorus, De fide Catholica, 2, 28, 2

1	Nos autem, sub gratia positi, omnia haec facta et celebrationes, quae futurorum erant indicia, iam cognoscimus esse completa.
2	Quidquid enim huiusmodi sacramenti prophetabatur iam Christus implevit, quia non venit solvere legem, sed adimplere (Matth. V, 17).
3	Adveniente ergo veritate, umbra cessavit, ideoque iam carnaliter non circumcidimur, quia in circumcisionis typo promissi baptismatis sacramento mundamur.
4	Sabbati otium supervacuum ducimus, quia revelatam spem quietis aeternae tenemus.