Isidorus, De fide Catholica, 2, 26, 3.
| 1 | De hoc signo dicit Isaias ex persona Domini: Ecce venio, ut congregem cum omnibus gentibus, et linguis, et venient, et videbunt gloriam meam, et ponam in eis signum (Isai. LXVI, 18), utique crucis. |
| 2 | Et alibi: Et erit, inquit, Dominus nominatus in signum aeternum, quod non auferetur (Isai. LV, 13). |
| 3 | Quod etiam et alibi idem propheta significare voluit de Christo, dicens: Et levabit signum in nationibus (Isai. V, 26). |
| 4 | Ubi ostendit quod, elevato signo crucis, gentes ad eum venirent, atque crederent. |