| 1 | Intelligere ergo nos oportet hanc sententiam. |
| 2 | Thau quippe littera speciem crucis demonstrat, cuius signaculo praenotati sunt quicunque ab exitu huius saeculi liberantur; eiusdem typum praefigurabat in Aegypto sanguis ille agni candidi et immaculati, quo imaginarie signantur postes corporis nostri, ut merito loquamur dicentes: Signatum est super nos lumen vultus tui, Domine (Psal. IV, 7). |