| 1 | Unde et ipse clamabat: Si quis sitit, veniat ad me, et bibat (Ioan. VII, 37). |
| 2 | Ad quod baptismi sacramentum idem Isaias Iudaeos et gentes ita provocat, dicens: Omnes sitientes venite ad aquas (Isai. LV, 1). |
| 3 | Has aquas et hunc fontem et per Ioelem praenuntiabat Spiritus sanctus, dicens: Distillabunt montes dulcedinem, et colles fluent lacte, et per omnes rivos Iuda ibunt aquae, et fons de domo Domini egredietur, et irrigabit orbem terrarum (Ioel. III, 18), id est, universitatem omnium gentium. |