Isidorus, De fide Catholica, 2, 17, 3.
| 1 | Item Ieremias de repulsis a Domino victimis et holocaustis Iudaeorum: « Ut quid mihi thus de Saba offertis, et calamum suaveolentem de terra longinqua? holocaustomata vestra non sunt accepta, et victimae vestrae non placuerunt mihi. |
| 2 | Propterea haec dicit Dominus: Ecce ego dabo in populum istum ruinas, et ruent in eis patres, et filii simul, vicinus et proximus, et peribunt (Ierem. VI, 20). |
| 3 | » Vide quia eorum sacrificia non propter se carnaliter commendantur, sed propter solam cordis et fidei obedientiam, quam increduli amiserunt. |