| 1 | Quod non carnis circumcisionem, sed cordis, Moyses filiis Israel ita futuram praenuntiabat dicens: In novissimis diebus circumcidet Dominus cor tuum, et cor seminis tui (Deut. XXX, 6). |
| 2 | Unde et Ieremias praevidens iam illud proximum tempus, Iudaeos ad Novum Testamentum et ad circumcisionem cordis, non corporis, ita provocat, dicens: « Haec dicit Dominus viro Iuda, et Ierusalem: Novate vobis novale, et nolite serere super spinas; circumcidimini Domino vestro, et auferte praeputia cordium vestrorum, viri Iuda, et habitatores Ierusalem, ne forte egrediatur ut ignis indignatio mea, et succendatur, et non sit qui exstinguat (Ierem. IV, 3). |