Isidorus, De fide Catholica, 2, 15, 3.
| 1 | Quid item de Machabaeis eloquar? de quibus scriptum est: Et nolebant Iudaei in die Sabbati vindicare se de alienigenis (I Machab. II, 41). |
| 2 | Postea consilio accepto, pugnaverunt die Sabbati, et triumphaverunt de hostibus. |
| 3 | Quibus testimoniis edocemur non pertinere ad fidem istum Sabbati elementarium diem servare, sed alium spiritualem; nam hoc carnale Sabbatum non est datum propter purificationem, sed propter tentationem, dicente in lege Domino: Ut tentem eos, utrum ambulent in lege mea, an non. |
| 4 | Sex diebus colligetis manna, septimo non colligetis (Exod. XVI, 4, 26). |