Isidorus, De fide Catholica, 2, 14, 5.
| 1 | In quo loco vaticiniis prophetarum Testamenti Novi est facta commemoratio, quod quia discrepare potuit a Veteri Testamento, inde adiungit: Non secundum Testamentum, quod dedi patribus eorum. |
| 2 | Est enim in utroque mirabilis differentia praeceptorum. |
| 3 | In illo, exceptis sacramentis, quae umbrae erant futurorum, caetera promissa temporalia sunt, Sabbatum scilicet, et circumcisio, et multiplex sacrificiorum ritus, ciborumque observantia, ac dierum caeremoniae: quae omnia carnali congruunt vetattusi. |
| 4 | At contra Testamento Novo cordis bonum promittitur; vitae aeternae felicitas pollicetur. |
| 5 | Et non quidem foris in lapideis diptychis, sed intrinsecus in tabulis cordis. |