Isidorus, De fide Catholica, 2, 14, 2.
| 1 | Talibus enim vaticiniis legem Veteris Testamenti commendat oblivisci, et novi facit mentionem, dicendo: Ne memineritis priorum, ecce facio nova; et ut demonstraret quae essent nova, tum adiecit: Ponam in deserto viam, et in invio flumina. |
| 2 | Quo significaret in gentibus suam dedisse doctrinam, ubi glorificat eum bestia agri, dum ipsum credentes collaudant, et regna mundi, quem populum sibi acquisitum dicit. |
| 3 | Caeterum contra Israel quae sequuntur adiungit: Non me invocasti, Iacob, nec laborasti in me, Israel. |