monumenta.ch > Isidorus > 2 > 3 > 5 > 2 > 4 > 5 > 2 > 4
Isidorus, De fide Catholica, 2, 13, 3. <<<     >>> 5.

Isidorus, De fide Catholica, 2, 13, 4.

1	Quod veraciter de ipsa terrena accipitur Iudaeorum spe; sequiturque in eodem propheta: « Venit finis super populum meum Israel, non adiiciam ultra ut pertranseam per eum, et stridebunt cardines templi in die illa, dicit Dominus Deus.
2	Multi morientur, in omni loco proiicietur silentium (Amos VIII, 2).
3	» In cuius prophetico textu tertio reperit sic se aversatum fuisse ab Israel Dominum, ne illis, ut praedixi, iuxta spem ipsorum unquam misereatur.
4	In prioribus enim dicit: Cecidit, non adiiciet ut resurgat virgo Israel.
5	In secundo dixit: Ecce ego ponam trullam in medio populi Israel, non adiiciam ultra superinducere eum.
6	Tertio quoque dicit: Venit finis super populum meum Israel, non adiiciam ultra ut pertranseam per eum (Amos. VII, 8).

Isidorus HOME
bnf2326.141