Isidorus, De fide Catholica, 2, 13, 3.
| 1 | Amos quoque propheta de his plenissime praedicat, atque ita aversatum Deum dicit ab Israel, ne illis unquam misereatur, sed inseparabiliter in aeterna desolatione permaneant. |
| 2 | Sic enim ait: « Audite verbum hoc, quod ego levo super vos planctum. |
| 3 | Domus Israel cecidit, non adiiciet ut resurgat. |
| 4 | Virgo Israel proiecta est in terram suam, non est, qui suscitet eam (Amos. V, 1). |
| 5 | » Ecce ubi sic cecidit plebs illa, ut non resurgat. |
| 6 | Siquidem et caeremonias carnales eiusdem plebis sic cadendo evacuat veniente veritate, ne aliquando queant resuscitari, cum dicit: Proiecta est in terram suam, non est qui suscitet eam. |