Isidorus, De fide Catholica, 2, 13, 1.
| 1 | Quia Iudaei iuxta spem suam nunquam reparabuntur, Ieremias dicit: Civitates Austri clausae sunt, translata est omnis Iudaea transmigratione perfecta (Ierem. XIII, 19); id est, irrevocabili captivitate. |
| 2 | Item ipse: « Quia oblitus est mei populus meus, frustra libantes, et impingentes in viis suis, et in semitis Israel, ut ambularent per eas in itinere non trito; ut fieret terra eorum in desolationem et in sibilum sempiternum. |
| 3 | Omnis qui praeterierit per eam obstupescet, et movebit caput suum, sicut ventus urens dispergam eos » (Ierem. XVIII, 15). |