Isidorus, De fide Catholica, 2, 11, 1.
| 1 | De qua civitate per Isaiam sic Dominus loquitur, dicens: « Quis est hic liber repudii matris vestrae, quo dimisi eam? aut quis est creditor meus, cui vendidi vos? Ecce in iniquitatibus vestris venditi estis, et in sceleribus vestris dimisi matrem vestram (Isai. L, 1). |
| 2 | » Similiter et per Osee: Iudicate matrem vestram, iudicate, quoniam ipsa non est uxor mea, nec ego vir eius (Ose. II, 2). |
| 3 | De cuius populi reprobatione, et per Ieremiam sic loquitur Dominus dicens: « Reliqui domum meam, dimisi haereditatem meam. |
| 4 | Facta est mihi haereditas mea, quasi leo in silva, dedit super me vocem suam; propterea odivi eam » (Ierem. XII, 7). |