| 1 | Item in Daniele angelus ille, postquam occisionem Christi praedixit, subsecutam protinus subversionem Ierusalem pronuntiavit, dicens: Et civitatem, et sanctuarium dissipabit populus cum duce venturo (Dan. IX, 26), id est, Romanus exercitus cum Vespasiano. |
| 2 | Cuius vastationis Isaias propheta lamentabile carmen composuit, in quo eadem Ierusalem plangitur, et ruina illius perpetua sermone prophetico decantatur sub similitudine vineae, in qua plantaverat Deus turrem, et torcular, templum scilicet et altare (Isai. V, 2). |