| 1 | Propterea quod contra Dominum vocem dederunt, unde et subiungit: Propter me exterminata est exterminio omnis terra. |
| 2 | Haec enim Christi vox est. |
| 3 | Multa enim peccata prius fecerant filii Israel, sed nunquam sic traditi sunt tam longae perditioni et captivitati; quando autem compleverunt mensuram patrum suorum, et post prophetarum necem Christum interfecerunt, tunc, peccata peccatis cumulantes, traditi sunt in longam exterminationem. |
| 4 | Idcirco nunc dicitur: Propter me exterminatione exterminata est omnis terra. |