Isidorus, De fide Catholica, 2, 8, 2.
| 1 | Adhuc quia eaedem gentes in sedibus Iudaeorum successurae erant, idem propheta alio loco approbat, dicens: « In die illa cantabitur canticum istud in terra Iuda. |
| 2 | Urbs fortitudinis nostrae Sion, Salvator ponetur in ea, murus, et antemurale; aperite portas, et ingredietur gens iusta, et custodiens veritatem, vetus error abiit. |
| 3 | Servabis pacem, quia in te speravimus, incurvabit habitantes in excelso, civitatem sublimem humiliabit: humiliabit eam usque ad terram, detrahet eam usque ad pulverem, et conculcabit eam pes pauperis, gressus egenorum » (Isai. XXVI, 1). |
| 4 | Quo vaticinio ostenditur iustum humilemque gentium populum successisse in locum quem superba plebs Iudaeorum perdiderat. |