| 1 | Ipse autem propheta et credulitatem gentium et incredulitatem Iudaeorum in Christo ita annuntiat: « Quaesierunt me, qui antea non interrogabant, invenerunt me, qui non inquisierunt me; dixi: Ecce ego, ecce ego, ad gentem, quae non invocabat nomen meum, expandi manus meas tota die ad populum incredulum » (Isai. LXV, 1, 2). |
| 2 | Quaesierunt enim nunc gentes quae ante non interrogabant, quia ad eos prophetae non veniebant, et invenerunt, quando illis Christum nuntiaverunt. |