Isidorus, De fide Catholica, 2, 6, 1

1	Sed quia plurimi ex Iudaeorum populo non essent credituri in Christum, Moyses legislator eamdem eorum incredulitatem ante praenuntiavit: Et erit vita tua pendens ante oculos tuos, et timebis die ac nocte, et non credes vitae tuae (Deut. XXVIII, 66).
2	Unde et Isaias: Domine, quis credidit auditui nostro? et brachium Domini cui revelatum est? Et vidimus eum, et non erat aspectus (Isai. LIII, 1).
3	Quibus verbis incredulitatem Iudaeorum designat, qui Christum videntes non receperunt, quem quia nec credere, nec cognoscere potuerunt, illico excidium habituri.