| 1 | Malachias quoque ante finem mundi Eliam sic dicit esse mittendum ad conversionem Iudaeorum: « Ecce ego mittam vobis Eliam prophetam, antequam veniat dies Domini magnus, et horribilis, et convertet cor patrum ad filios, et cor filiorum ad patres eorum » (Malach. IV, 5). |
| 2 | Ante adventum enim iudicii mittet Dominus Eliam ad convertendum cor filiorum, ad cor patriarcharum et prophetarum, ut credat posteritas eorum in Domino Iesu Christo, quem illi prophetantes exspectaverunt. |