| 1 | Quae omnis prophetia procul dubio de Christo est, qui in David nomine significatur. |
| 2 | De cuius semine secundum carnem est genitus, de quo Ieremias dicit: Ecce dies veniunt, dicit Dominus, et suscitabo David germen iustum, et regnabit rex, et sapiens erit, et faciet iudicium et iustitiam in terra. |
| 3 | In diebus illis salvabitur Iuda, et Israel habitabit confidenter, et hoc est nomen quod vocabunt eum, Dominus iustus noster (Ierem. XXIII, 5). |