| 1 | Transeuntibus quidem istis carnalibus Iudaeis, postea in novissimis temporibus filii eorum in Christo credituri sunt, Osee propheta testante: Quoniam diebus multis sedebunt filii Israel sine rege, sine principe, sine sacrificio, sine altari, sine sacerdotio, sine manifestationibus (Ose. III, 4, 5). |
| 2 | Utique quemadmodum nunc esse videntur; deinde sequenter adiunxit: Et postea revertentur filii Israel, et inquirent Dominum Deum suum, et David regem suum, et stupescent in Domino, et in bonis suis, in novissimis diebus. |