| 1 | Quia uterque populus Iudaeorum et gentium sub Christi regimine vaticiniis prophetarum vocantur, Isaias dicit: Et erit in die illa, nutriet homo vaccam boum, et duas oves, et prae ubertate lactis comedet butyrum (Isai. VII, 21). |
| 2 | Vacca boum plebs est Iudaeae veniens de semine patriarcharum. |
| 3 | Oves duae Ecclesia veniens de gentibus, et idcirco duae oves, et una vacca, quia auctior est ex gentibus Ecclesiae numerus, quam ex Iudaeis. |