Isidorus, De fide Catholica, 2, 2, 1.
| 1 | Quia in Christo Filio Dei credere cunctis gentibus iussum est, Iacob in benedictionibus patriarcharum dixit: Non deficiet princeps ex Iuda, nec dux de femoribus eius, donec veniat qui mittendus est, et ipse erit exspectatio gentium (Gen. XLIX, 10). |
| 2 | Et David ex persona eiusdem Christi in Psalmis: « Dominus dixit ad me, Filius meus es tu, ego hodie genui te; pete a me, et dabo tibi gentes haereditatem tuam, et possessionem tuam terminos terrae » (Psal. II, 7). |
| 3 | Et iterum: Constitues me in caput gentium, populus, quem non cognovi, servivit mihi, obauditu auris obaudivit mihi. |