Isidorus, De fide Catholica, 2, 1, 6.
| 1 | Item ipse: Convertimini ad me et salvi eritis, omnes fines terrae, quia ego Deus, et non est alius. |
| 2 | In memetipso iuravi, egredietur verbum de ore meo, et non revertetur, quia mihi curvabuntur omnia genua, et iurabit omnis lingua in Domino. |
| 3 | Hoc iam contuemur fuisse completum, quando in omnibus terrae finibus Dei dilatatur Ecclesia. |
| 4 | Qua prophetia erubescant Iudaei quidem, Deum sibi peculiariter defendentes, dum audiunt: Iurabit omnis lingua in Domino, id est, non tantum Hebraeorum iam populus, sed et omnis gentium multitudo. |