| 1 | Proinde quia omnes gentes ad unius Dei veri cultum essent vocandae, David propheta testatur, dicens: Reminiscentur, et convertentur ad Dominum universi fines terrae, et adorabunt in conspectu eius omnes patriae gentium, quoniam Domini est regnum, et ipse dominabitur gentium (Psal. XXI, 28). |
| 2 | Et rursum: Cantate Domino canticum novum, quia mirabilia fecit. |
| 3 | Notum fecit Dominus salutare suum, ante conspectum gentium revelavit iustitiam suam (Psal. XCVII, 1). |