| 1 | Quia sedet ad dexteram Patris, in Psalmis scriptum est: Dixit Dominus Domino meo: Sede a dextris meis; donec ponam inimicos tuos scabellum pedum tuorum (Psal. CIX, 1). |
| 2 | Inquirant ergo Iudaei cui dictum est a Domino Sede a dextris meis. |
| 3 | Nunquid archangelo? non opinor, neque angelo, neque prophetae. |
| 4 | Nam nullus eorum in ea gloria est, sed ille quem dignum consessu suo invisibilis Deus habet, hic sedet ad dexteram Patris. |