| 1 | Hunc ascensum eius et alibi commemorans David dicit: Ascendit super cherubim, et volavit, volavit super pennas ventorum (Psal. XVII, 11). |
| 2 | Et iterum: Ascendit in altum, captivam duxit captivitatem, dedit dona hominibus (Psal. LXVII, 19). |
| 3 | Qui utique nisi fuisset in terra, non diceretur ascendere. |
| 4 | Sed quid est captivam duxit captivitatem, nisi quia, devicta morte, ipsam carnem, quam e terris assumpserat, quasi captivam in coelum ducebat? |