| 1 | Quia post resurrectionem suam Christus piscatoribus apparuit, et praedicare eos gentibus misit, per Ieremiam ante sic meminit, dicens: Ego mittam piscatores multos, dicit Dominus, et piscabuntur eos (Ierem. XVI, 16). |
| 2 | Denique secundum Matthaei Evangelium legitur quod Iesus veniens iuxta mare Galileae, vidit Petrum et Andream, fratrem eius, mittentes retia in mare, quibus dixit: Venite post me, et faciam vos fieri piscatores hominum (Matth. IV, 18). |