| 1 | Quid apertius diceretur? Dominus enim Iesus, qui interpretatur Salvator, ipse est Deus noster, salvos faciens nos, quem quia oportuit nasci, et a vita exire per mortem, ideo subiunctum est: Domini mors, et Domini exitus. |
| 2 | Item per Isaiam: Tanquam ovis ad occisionem ductus est, et sicut agnus coram tondente se sine voce, sic non aperuit os suum. |
| 3 | Pro peccatis populi sui ductus est ad mortem (Isai. LIII, 7). |