| 1 | Item Habacuc cum dixisset de eo: In medio duorum animalium cognosceris, subiecit: Cum conturbata fuerit anima mea, in ira misericordiae tuae memor eris (Habac. III, 2). |
| 2 | Praefiguravit enim propheta sub hac sententia in semetipso Iudaeorum personam, qui Christum commoti ira crucifixerunt. |
| 3 | Ubi tamen ille, memor misericordiae suae dixit: Pater, ignosce illis, quia nesciunt quid faciunt (Luc. XXIII, 34). |